...og jula varer helt til påske....

Like sikkert som Viking vinn seriegull, kjem familien Fossan Steine med nye innelgg på bloggen. Men jula varer jo som kjent heilt til påske, så då er det jo ikkje så gale likevel...

Mykje har skjedd sidan jul. Me har vore i Ecuador på Sør-Amerika konferanse. Det var ei fin oppleving. Ei vitamininnsprøyting for kropp og sjel. Andeleg påfyll for store og små. Gunnar Fagerli frå Modum Bad hadde anvar for vaksenopplegget og Tore Thomassen for barneopplegget. Og innimellom bada me og kosa oss. Me fekk og besøkja fleire av prosjekta Misjonsalliansen har i Ecuador. Det er ikkje berre i Bolivia det vert utført mykje bra arbeid av Misjonsalliansen!

I midten av februar feira me karneval i fire dagar. Me var ein tur i sentrum og såg på folkelivet. Det føltes litt som syttande mai i Karl Johan, berre at bunadane var bytta ut med kostymer av ulikt slag. Dessutan var det ikkje berre russen som spraya skum og skaut med vannpistolar, det var dei aller fleste.

Kari vart 3 år 21 mars, og Magne vart 39 år 22 mars. Stor stas! Me feira begge to på sundagen, med kaker, song og skattejakt. Nokre dagar etter vart Kari feira i barnehagen også. Kjempekjekt!

Suldølar i La Paz.

0,5 % av Suldals befolkning feira jul i La Paz dette året! Stor stas for oss som fekk besøk!

Salt i Uyuni, mineral i Potosi, og .. Sucre..

Nei, det er ikkje ein godværsdag på fjellet i påska, det er saltørkenen i Uyuni som me var så heldige å få besøka saman med besøket vårt! På turen var me og innom Potosi og Sucre. Ein fin tur!

"O jul med din glede..." Juletrefest hos familien Mehus Rugland.

Her er Magnus gjetaren klar til julespelet på gudstenesta på julaftan. Så stolt!

Det vart jul i Bolivia og! Med mormor, bestemor og bestefar og onkel Sigbjørn til stades, og med pinnakjøt frå Landsnes på menyen!

Julestemninga kom ikkje før pinnekjøtet var på bordet dette året, til tross for at fleire av førjulsingrediensene var på plass: Julekakebaking, juleverkstad og grautfest (hjå oss), jule/sommaravslutning i barnehagen. Men det var og andre viktige ting som prega førjulstida; presidentval der Evo Morales vart attvald som president med 65% av stemmene og 30 års jubileum for Misjonsalliansens arbeid på El Alto.

Av bildene kan de sjå at Familien Fossan Steine har utvikla seg stort når det gjeld dans og underhaldning, ungane som utfoldar seg på barnehageavslutninga og eg som blir budt opp til dans under 30-års jubileet. Me spør oss: Kvar vil dette enda?