Suldølar i La Paz.

0,5 % av Suldals befolkning feira jul i La Paz dette året! Stor stas for oss som fekk besøk!

Salt i Uyuni, mineral i Potosi, og .. Sucre..

Nei, det er ikkje ein godværsdag på fjellet i påska, det er saltørkenen i Uyuni som me var så heldige å få besøka saman med besøket vårt! På turen var me og innom Potosi og Sucre. Ein fin tur!

"O jul med din glede..." Juletrefest hos familien Mehus Rugland.

Her er Magnus gjetaren klar til julespelet på gudstenesta på julaftan. Så stolt!

Det vart jul i Bolivia og! Med mormor, bestemor og bestefar og onkel Sigbjørn til stades, og med pinnakjøt frå Landsnes på menyen!

Julestemninga kom ikkje før pinnekjøtet var på bordet dette året, til tross for at fleire av førjulsingrediensene var på plass: Julekakebaking, juleverkstad og grautfest (hjå oss), jule/sommaravslutning i barnehagen. Men det var og andre viktige ting som prega førjulstida; presidentval der Evo Morales vart attvald som president med 65% av stemmene og 30 års jubileum for Misjonsalliansens arbeid på El Alto.

Av bildene kan de sjå at Familien Fossan Steine har utvikla seg stort når det gjeld dans og underhaldning, ungane som utfoldar seg på barnehageavslutninga og eg som blir budt opp til dans under 30-års jubileet. Me spør oss: Kvar vil dette enda?

Bæremeis:
Her i høgden blir både store og små i familien trøytte etter lange dagar på språkinstitutt og barnehage. Av og til alle på ein gong.. Då hender det at Leonarda hipsar Magnus på ryggjen i eit teppe - el aguayo - og der er det tydelegvis godt å vera! Me ser mange som brukar slike teppe til å bæra både ungar og varer i. Trur det er trange kår for Bergansmeis-seljarar her.

Gudsteneste:
1. søndag i advent hadde me gudsteneste på Casa Alianza, der dagens tekst handla om Jesus som rir inn i Jerusalem. Ungane var med og kledde opp Arild som konge, med kappe, krone og kongsstav (ein særs mandig ein!).

Det er gudsteneste på Casa'en ein gong i månaden, der utsendingar, voluntørar og andre er med. Utsendingsgruppa er ansvarleg for opplegget. Etterpå er det kyrkjekaffi.










Klubb:
Annankvar torsdag har ein av familiane klubb for ungane. Aktivitetane varierer: Dei har vore med på planting av frø, matlaging, bibelforteljing med flanellograf, og laga postkort. Ein dag var me på "Toca todo", eit slags teknisk museum for ungar. Der fekk dei sutla med vatn alt dei orka. Stas!






Turn:
Torsdag ettermiddag er dei fleste av "våre" ungar på turn. Her får dei trimma seg grundig. Dei har det kjekt, men er raude og gode i kjekane etterpå. Då gjer det godt med banan og is - sikringskost for aktive turnarar!

Her er Filip og Gaute, i djup konsentrasjon, i ferd med å forsera krokodillane.












Tutt:
Kari proklamerer stadig vekk at ho skal slutta med tutt, men så kjem tilbakeslaget ikkje så lenge etterpå..
Må ha det, berre må ha det!